Tembang Macapat

Ing basa Jawa, sekar/tembang iku dibagi dadi:

-       Sekar ageng

-       Sekar tengahan

-       Sekar macapat

-       Sekar dolanan

Tembang Macapat yaiku tembang kang kaiket nganggo wewaton :

a.      Guru lagu           : tibaning swara ing pungkasane gatra ( huruf vokal )

b.      Guru wilangan   : cacahing wanda saben sagatra ( suku kata )

c.       Guru gatra         : cacahing gatra saben sapada utawa satembang ( jumlah baris )

Tembang Macapat ana 11, yaiku :

1.      Maskumambang : 12i, 6a, 8i, 8a = 4 gatra

Tuladha :     Anakku ngger kabeh padha ngati-ati

                   Jamane wis tuwa

                   Aja kendhat sing prihatin

                   Ngabdi bekti kang kuwasa

2.      Mijil : 10i, 6o, 10e, 10i, 6i, 6u = 6 gatra

Tuladha :     Saranane murid bisa wasis

                   Kudu tansah tlatos

                   Amarsudi piwulang gurune

                   Sregep mlebu tebih rasa isin

                   Takon yen tan ngerti

                   Samubarang kawruh

3.      Sinom : 8a, 8i, 8a, 8i, 7i, 8u, 7a, 8i, 12a = 9 gatra

      Tuladha :    Warna-warna kapitayan

Kang tumanduk ing nagari

Kasebut ing paugeran

Empat lima kang wus mesthi

Pancasila tan kari

Janji luhur pandomipun

Iku dadya pranatan

Ora kena den singkiri

Yen mituhu bisa urip karaharjan.

4.      Kinanthi : 8u, 8i, 8a, 8i, 8a, 8i = 6 gatra

      Tuladha :     Dhasare wong yen ngelamun

                         Ora ngrewes kanan kering

                         Katungkul nuruti rasa

                         Lelakon kang wus kawuri

                         Digagas saya gumawang

                         Dadi njarem jroning ati

5.      Asmaradhana : 8i, 8a, 8e, 8a, 7a, 8u, 8a = 7 gatra

      Tuladha :     Gegarane wong akrami

                         Dudu bandha dudu rupa

                         Amung ati pawitane

                         Luput pisan kena pisan

                         Yen gampang luwih gampang

                         Yen angel angel kalangkung

                         Tan kena tinumbas arta. 

6.      Gambuh :  7u, 10u, 12i, 8u, 8o = 5 gatra

Tuladha:      Aja nganti kabanjur
Barang polah ingkang nora jujur
Yen kabanjur sayekti kojur tan becik
Becik ngupayaa iku
Pitutur ingkang sayektos

7.      Dhandhanggula : 10i,10a, 8e,7u, 9i,7a, 6u, 8a, 12i,7a = 10 gatra

      Tuladha :      Rukun islam kang lima puniki

                         Katindhakna mring para sesama

                         Aja pada ditinggalke

                         Rukun lima puniku

Sahadate kang angka siji

Kang angka loro sholat

Dene kang katelu

Romadhan nindakna pasa

Kapat zakat ping lima ibadah haji

Rukun islam sampurna

8.      Durma : 12a, 7i, 6a, 7a, 8i, 5a, 7i = 7 gatra

      Tuladha :      Dipun sami caketing tepa salira

                         Tegese mawas dhiri

                         Yen sira tan suka

                         Jiniwit ing wong liya

                         Aja seneng amiwiti

                         Iku wus timbang

                         Ngurmatana sesame

9.      Pangkur :  8a, 11i, 8u, 7a, 12u, 8a, 8i = 7 gatra

      Tuladha :      Sumawur kang taranggana

                         Mung sawiji tumanem jroning ati

                         Sumunar teja kadulu         

                         Kang lintang panjer rina

                         Sung pratandha wates kikisaning dalu

                         Wancine wus gagat enjang

                         Mbabar pepadhanging bumi

10.  Megatruh : 12u, 8i, 8u, 8i, 8o = 5 gatra

Tuladha :     Bocah sekolah kudu padha gumregut

Dadi siswa sing taberi

Ora pisah karo buku

Duwe watak kang nastiti

Kabeh sedyane kelakon

11.  Pocung : 12u, 6a, 8i, 12a = 4 gatra

Tuladha :     Ngelmu iku kalakone kanthi laku
Lekase lawankas
Tegese kas nyantosani
Setya budya pangekese dur angkara

Istilah basa jawa ing tembang macapat :

a.   Gatra   : baris

b.   Pada    : bait

c.    Pupuh : beberapa bait